انا عراقي وافتخر

السلام عليكم

انطيني من وقتك ثواني
ما أكلك آني وآني
شاعر من أهل العراق
عربي وأصلي عدناني
قريشي ومن نسل قحطان
لا تركي ولا مدغوش بأفغاني
لك الزمان ابيوم ذر الناس
الزمان عليك ذرّاني
وأخذ يردف علي ضرباته باليافوخ
لحد ما حيل خَوّاني
لكن بي طبع ما طيح
روح اسأل عليّ واشهودي عدواني
مو انسان يحجي وياك
جرح يمشي عله طوله وشمعه بصواني
ما عندي لجوء ايجتف الانسان
ولا مربوط بلساني
وك استاتس عندي من عمان
وسياسي... كوفي اعنان سمّاني
عراقي آني
من زاخو لعد الفاو عنواني
دجله أمي....وأبوي اسمه الفرات
وليلي مرجاني
عمت عين الزمان اشلون ذَبّاني
ولو حز ابضميري الجوع
بس ما غير ألواني
إيخسه التاريخ إذا مو باول أحروفه
يحط اسم العراق ويشطب الثاني
عراقي آني البكلبي على الساني
آنه الماصحت يوم أحاه
وعلى امتوني تكطع صوت سجاني
وأظن ما قصريت أوياه
أخويه الجان ينخاني
يِأَشِّر بيده من ابعيد
جديم الكوم يلكاني
عطش مره... شلت نهر الفرات وجيت
وشفت دجله على الجولان يتناني
عراقي آنه
واليبيعن سكاير على الرصيف اليوم نسواني
والماتوا بحسرة علبة حليب اطفال
هذوله أطفال خُوّاني
ما آغَنّي بعد بلاد العرب أوطاني
من الشام لبغدانِ
ومن نجد الى يمنٍ
الى مصر فتطوانِ
عراقي آني
ولو تعرفني كل الناس بس أعطيك برهاني
من داروا عليّ عرب آخر زمان وحتى جيراني
ما هزوا وحك عيناك
شعره من شعرات وجداني
عراقي آني

شكرا لك فراشة المنتدى مساهمة حلوة ومميزة

_________________
<p>

خالص شكري وتقديري د-عبد الهادي الجريصي </p>
<p> انا عراقي وافتخر HaveANicedayRose

</p>

تحية لفراشة المنتدى العراقية اتمنى ان يعود الجميع الى حضن الوطن الدافئ ان يحبوا العراق كما تحبيه انت ان تعود الضمائر التي غابت ردحا من الزمان عن وطنها لنا ان نفتخر اننا عراقيون كما اتمنى من ساستنا ان يتذكروا انهم عراقيون شكرا لك يا ابنة العراق
مع تقديري واعتزازي

شكرا لك فراشتنا الحلوة كلام جميل ومن حقنا أن نفتخر بأرض الحضارت ومهد كل القيم وهي الأولى غي كل شيء فيها دارت اول عجلة وفيها خط اول حرف ومنها أنبثقت القوانين والقيم .

_________________

...............................

انا عراقي وافتخر Sniperofiraq3

» كص عراقي أصيل
» غاغارين العرب عراقي
» نمنم عراقي للأطلاع .
» مهندس عراقي متميز ....... من هو ؟؟؟؟؟؟؟
» طفل عراقي يحل لغزا محيرا في الرياضيات .... من هو ؟؟؟